पाइरेसीको मारमा ‘छक्का पञ्जा’ : दिपक दिपा युरोपमा, फिल्म इन्टनेटमा !

नेपाली फिल्म ‘छक्का पञ्जा’ पनि अनलाईन पाईरेसीको मारमा परेको छ। दीपकराज गीरी र फिल्मका निर्देशक दीपा श्री निरौला यूरोप भ्रमण गरिरहेका बेला फिल्म अनलाईन भेटिएको हो। युरोप भ्रमण छोट्याउँदै उनीहरु अब नेपाल फर्कने तयारीमा छन्।

फिल्म पाईरेसी भएको कुरा निर्माता तथा कलाकार दीपक राज गिरीले स्पस्ट पारेका छन्। फेसबुकमा स्टाटस लेख्दै उनले सो कुराको पुस्टि गरेका हुन्। उनले भोलि नै फिल्मलाई आधिकारिक रुपमा यूट्युबबाट रिलीज गरिने जानकारी दिदै यु ट्युबमा नै फिल्म हेर्न आग्रह समेत गरेका छन्।

अष्ट्रेलियाको लागि तयार पारिएको फिल्म (फाईल) पाइरेसी भएको जानकारी फिल्मका निर्देशक दिपा श्री ले दिएकी छिन। फिल्म मलेशियाबाट फेसबुकमा अपलोड गरेको भेटिएको हो। अनलाईनमा कसले पाईरेसी गर्‍यो त्यो भने खुलाईएको छैन। तर केहि ब्यक्तिहरू प्रहरीको फन्दामा परिसकेको दीपकले उल्लेख गरेका छन्।