नेपाली फिल्मी नगरीमा अभिनेता बिराज भट्ट पुन: झुल्किने भएका छन्। कुनै समय नेपाली फिल्मका सर्वाधिक व्यस्त अभिनेताको ट्याग भिरेका बिराज यतिबेला भोजपुरी फिल्ममा व्यस्त छन्। तर उनि आफु निरन्तर रुपमा नेपाली फिल्ममा देखिने इच्छा रहेको बताउछन।
‘मलाइ नेपाली फिल्ममा देखिन मनछ तर यता र उताको फिल्ममा अभिनय गर्दा संस्कृति समेत साटासाट हुन्छ’ बिराजले अझ प्रस्ट्याउदै भने ‘मेरो नेपाली फिल्म आगामी श्रावनको लास्ट विक देखि फ्लोरमा जादै छ।’ उनले गत बर्ष फिल्म जय परशुराममा अभिनय गरेका थिए।
उनको अभिनय रहने फिल्मको बारेमा उनले अन्य केहि नखुलाएता पनि मोडल दीपक घिमिरे र कलाकार तथा चलचित्र पत्रकार संघका अध्यक्ष सन्दीप सापकोटाको अभिनय रहने बताएका छन्। त्यसो त बिराज आफैले फिल्म निर्माण गर्ने चर्चा पनि छ तर यसबारे उनले केहि बताएनन।
