सांगीतिक समुह कन्दरा लामो समयपछि दर्शक तथा स्रोतामाझ ‘हिमाल मुनी’ बोलको गीत लियर आएको छ। कन्दराका गायक बिवेक श्रेष्ठको स्वरमा उक्त रोमान्टिक गीतको म्युजिक भिडियो रिलिज भएको हो। एल्बम ‘भेडी गोठैमा’ मा समावेश गरिएको गीतको भिडियो माया गर्ने जोडीहरुलाई समर्पित गरिएको गायक बिवेक श्रेष्ठले बताएका छन्। कन्दरा ब्याण्डकै संगीतकर्मी सुनिल थापाले उक्त गीतमा शब्द तथा संगीत दिएका छन्। संगीतकार तथा गायक अल्मोडा राना उप्रेती उक्त गीतका संगीत संयोजक हुन्। हिमाली क्षेत्रका आकर्षक लोकेशनमा छायांकन गरिएको भिडियोको निर्देशन जीवन रसाइलीले गरेका छन्। निर्देशक रसाइलीले नै यो भिडियोको छायांकन तथा सम्पादन गरेका हुन्। छायांकनमा उनलाई पुस्कर थापा तथा सूरज श्रेष्ठले सहयोग गरेका छन्।
