जीवन अमेरिका उडेपछि सकियो भूलभूलैया

ग्ल्यामर नेपाल, काठमाडौं । अभिनेता जीवन लुँइटेल शुक्रबार अमेरिकातर्फ लागेपछि उनीद्वारा अभिनित फिल्म ‘भूलभूलैया’को एक गीतको काम बाँकी राखेर सम्पूर्ण छायांकन सकिएको छ । निर्देशक योगेश घिमिरेले निर्देशन गरेको फिल्मको एक गीत जीवन अमेरिकाबाट फर्केपछि गर्ने बताइएको छ ।

दिनेशकुमार पोख्रेल निर्माता रहेको फिल्ममा जीवनसहित नीता ढुंगाना, स्वेहित मानन्धर लगायतका कलाकारले अभिनय गरेका छन् । निर्देशक घिमिरेले आफ्ना अन्य फिल्म भन्दा भूलभूलैया निकै राम्रो बनेको दाबी गरे । फिल्मको कथावस्तु एक वुद्धाश्रममा वरीपरी घुमेको छ, जहाँबाट प्रेम र द्वन्द्वको विकास हुन्छ ।

योगेशका अनुसार बाँकी रहेको गीत भदौ २८ गते छायांकन गरिने निर्माणपक्षले जनाएको छ । फिल्म आगामी चैत्र महिनामा रिलिज हुनेछ ।