नायक देवु श्रेष्ठलाई सलमान खानको भर्चुअल अटोग्राफ

ग्ल्यामर नेपाल, काठमाडौं । नेपाली नायक देवु श्रेष्ठलाई ‘जय हो’ स्टार सलमान खानले भर्चुअल मिडियामार्फत अटोग्राफ उपहार पठाएका छन्। सलमानले आफ्नो भेरिफाइड ट्वीटर एकान्टबाट देवुलाई मेन्सन गर्दै ‘जय हो’को पोस्टरमा आफ्नो हस्ताक्षरसहित सन्देश लेखेर पठाएका हुन्। जहाँ लेखिएको छ, ‘Dear Dev, This Republic Day, Remember, you do not need to wear a uniform to serve the country. Jai Ho’. (प्रिय देव, यो गणतान्त्रिक दिवसमा, सम्झनु तिमीले देशको सेवा गर्न बर्दि नै लगाउन आवश्यक छैन्।’ सलमानको फिल्मको मुख्य सन्देश पनि यही हो।
आफ्नो मनपर्ने स्टारबाट यस्तो रेस्पोन्स पाएपछि देव दंग परेका छन्। आफूलाई सलमानको डाई हार्ट भन्न फ्यान भन्न रुचाउने देवुले ग्ल्यामर नेपालसँग खुशी साँट्दै उनले भने, ‘यो सपना पुरा भएको छ।’ सलमानले पठाएको उक्त तस्बिर आफ्नो फेसबुक तथा ट्वीटरबाट सार्वजनिक गरेपछि उनलाई बधाईको ओइरो लागेको छ। नेपाली चलचित्र ‘थ्री लभर्स’ का नायक देवु हाल बेल्जियममा छन्। उनले ‘जय हो’ रिलिज भएकै दिन हेरेका थिए भने यो समाचार तयार पारुञ्जेल पाँच पटक हेरिसकेका छन्।