ग्ल्यामर नेपाल, काठमाडौं ।
सांगीतिक प्रेम कथामा आधारित फिल्म ‘धुन’ को अफिसियल फष्टलुक सार्वजनिक भएको छ । फष्टलुकमा जीवन लुईंटेल, नीता ढुङ्गाना र मुकेश ढकाललाई प्राथमिकताका साथ प्रस्तुत गरिएको छ ।
संगीत र प्रेमको भाव प्रस्तुत गर्ने फिल्मका निर्देशक कृष्ण पौडेल हुन् । तारा सितारा प्रोडक्शनको व्यानरमा निर्मित फिल्म चैत ६ गतेबाट अल नेपाल रिलिज हुँदैछ । मालती शाह प्रस्तुतकर्ता रहेको फिल्ममा सुशिल शाह, श्रेया दुलाल, विनोद भट्ट र मधुसुदन ढकालको लगानी छ ।
मालती र सुशिलले यसअघि नै ‘लंका’ र ‘झोला’ जस्ता सफल फिल्म दर्शकलाई दिइसकेका छन् । फिल्ममा श्रेया दुलाल, उमा बेवी, रमेश बुढाथोकी, सुरविर पण्डित, विकल्प शाहलगायतको अभिनय रहेको छ ।
फिल्ममा दर्शकले काठमाडौं तथा पर्यटकिय नगरी पोखराका मनोरम दृश्यसमेत हेर्न पाउनेछन् । फिल्ममा लक्की सिटौलाको संगीत, चन्द्र पन्तको द्वन्द्व र वीरेन्द्र भट्टको छायांकन रहेको छ ।
