हेलिकप्टरमा रेखा थापा सरर

ग्ल्यामर नेपाल, काठमाडौं ।
फिल्मका कलाकारलाई प्लेन वा हेलिकप्टर चढ्नु कुनै नौलो कुरा होईन र यो आम मानिसलाई खासै चासोको विषय पनि बन्दैन् । तर कलाकारले चढ्ने हेलिकप्टरका दृश्य कुनै बेला चासो पनि बन्दछ । उपत्यकामा दुई दिन अघि यस्तै देखियो । त्रिभूवन अन्तर्राष्ट्रिय विमानस्थलबाट हेलिकप्टरमा अभिनेत्री रेखा थापा एक्कासी भक्तपुरतिर बतिदा विमानस्थलमा रहेका मानिसलाई नयाँ कौतुहल जाग्यो । कसैले रेखालाई घुम्न निस्किएको सम्झे त कसैले कुनै कार्यक्रमको लागि गएको हुन सक्ने अनुमान लगाए । तर दुवै अनुमान सही थिएनन् ।

रेखा घुम्न र कार्यक्रम भन्दा पनि सविर श्रेष्ठले निर्माण र निर्देशन गरेको फिल्म ‘तथास्तु’ का लागि हेलिप्टरमा सट दिइरहेकी थिईन् । फिल्मको गोपनियताका लागि गोप्य रुपमा छायांकन गरिएको दृश्यमा अभिनेता किशोर खतिवडाको पनि सट लिइएको थियो । फिल्मको हाल रेड स्टुडियो किन्डलमा पोष्ट प्रोडक्सनको कार्य भैरहेको छ ।

नारी एक्सन प्रधान फिल्म सविरको ‘तथास्तु’ मा रेखा र किशोरसँगै सुवास थापा र विज्ञान जोशीको मुख्य भूमिका छ । बाबु श्रेष्ठले खिचेको फिल्ममा बसन्त सापकोटाको संगीत छ । रोशन श्रेष्ठ द्वन्द्व, कमल राई, रामजी लामिछाने र कविराज गहतराजको नृत्य निर्देशन छ । फिल्म पौष २५ गतेबाट अल नेपाल रिलिज हुँदैछ । फिल्मको गीत ‘कहिले माया स्याड फेस’ अहिले हिट बनिरहेको छ ।