गुरुङ फिल्म “मैंरिमो” फस्ट लुक रीलीज

मुनाल फिल्म प्रालिले निर्माण गरेको गुरुङ फिल्म ‘मैरिमो (मिस यू)’ को फष्टलुक सार्बजनिक गरिएको छ। फिल्मको गत चैत २३ गते पोखरास्थित दूधपोखरी तमु समाजमा शुभ मुहूर्त गरिएको थियो।

भोजबहादुर गुरुङले निर्देशन गरेको फिल्ममा गमन घले, प्रेम गुरुङ, सपना गुरुङ, सेसुबा गुरुङ (सोनु), गजेन्द्र गुरुङ, कुलबहादुर गुरुङ, इन्द्रसुब्बा गुरुङ, चन्द्रकला गुरुङ, कमल गुरुङ, अमीर गुरुङ (बन्दीपुरे ठागु) लगायतको अभिनय छ। निर्देशक गुरूङका अनुसार फिल्मले गुरूङ भाषा र संस्कृतिको कथालाई प्रस्तुत गरेको छ।

केयरसिंह गुरुङ (गुरुङ कवि) को कथा, रोशन गुरुङको पटकथा र संवाद, आश गुरुङ (प्रतीक), अमिर गुरुङ (बन्दीपुरे ठागु) र प्रेम गुरुङको गीत रहेको फिल्ममा तेजेन्द्र गुरुङको संगीत, गोविन गुरुङ, मनोज गुरुङ, सरुन गुरुङको स्वर, तारा श्रीषको छायांकन र खिमबहादुर गुरुङको सम्पादन छ।

सपना गुरुङ र प्रेम गुरुङ निर्माता रहेको फिल्ममा कार्यकारी निर्माताका रूपमा बालकाशी गुरुङ छन्। फिल्ममा गमन घले र नेत्रबहादुर गुरुङको मुख्य सहायक निर्देशन छ।