वृन्दाबनमा शिल्पा पोखरेल र बाँदरको एस्तो एक्शन! हेर्नुहोस् ट्रेलर

भदौ १७ गतेबाट नेपाल भर रिलिज हुन लागेको चलचित्र ‘वृन्दावन’ले पहिलो अफिसियल ट्रेलर बालबालिकामाझ सार्वजनिक गरेको छ । फिल्म युनिटले शुक्रबार राजधानीको जोरपाटीमा रहेको खगेन्द्र नवजीवन केन्द्रमा रहेका बालबालिकामाझ ट्रेलर र गीत सार्वजनिक गरेको हो। कार्यक्रम केन्द्रमा रहेका करिब ४६ जना अपांग बालबालिकालाई सामूहिक भोजनसमेत गराइएको थियो।

सार्बजनिक ट्रेलरमा नायिका शिल्पा पोखरेलको एक्सन अवतारलाई फोकस गरिएको छ। रुद्राक्ष फिल्मस् प्रालिको ब्यानरमा निर्माण भएको चलचित्रले समाजमा हुँदै आएको अन्याय, अत्याचार र थिचो, मिचो नारी प्रधान, एक्सन तथा प्रेममय कथालाई खोतल्ने छ। राजबहादुर सानेको निर्देशनमा निर्माण भएको चलचित्रका निर्माता कमल जिसी हुन्।चलचित्रमा रुद्र खनालको पनि लगानी छ।

Watch! Nepali Movie BRINDAWAN Trailer यहाँ क्लिक गर्नुहोस्

शिल्पा पोखरेल, किशोर खतिवडा, दिपेन्द्र केसी, सुशील पोखरेल, प्रकाश काडेलका साथमा तालिम प्राप्त बाँदरले चलचित्रमा अभिनय गरेका छन्। चलचित्रमा नृत्य रामजी लामिछाने, द्वन्द्व अष्ट महर्जन, संगीत विकास चौधरी र दिपक शर्मा र छायांकन दिव्यराज सुवेदीको रहेको छ।