दयाहाङ्ग राई र प्रियंका कार्की अभिनित “लालटिन” टिजर रिलिज

देवकुमार श्रेष्ठ निर्देशित चलचित्र “लालटिन”को टिजर रिलिज गरिएको छ। चैत्र १८ गते रिलिज हुने चलचित्रको राजधानीमा आयोजित पत्रकार सम्मेलनमा टीजर, पोस्टर र संगीत सार्वजनिक गरिएको हो। भिलेनको रुपमा परिचित कलाकार भानु प्रतापको प्रस्तुतिमा निर्माण भएको चलचित्र को कथाले ग्याङस्टर, सुरक्षा र एक्सन प्रस्तुत गरेको छ। चलचित्र युनिटले लालटिन बालेर कार्यक्रमको थालनी गरेका थिए।

चलचित्रमा दयाहाङ राई, भानुप्रताप, प्रियंका, राज कटुवाल, अर्जुनजंग शाही, केकी अधिकारी, अर्जुन गुरुङ, शिशिर भण्डारी, मेलिना मानन्धर, जनक बर्तौला र निर्जन थापालगायतका कलाकारको अभिनय छ।

अनिम श्रेष्ठ र राज केसीको लगानी रहेको फिल्ममा मनोजराज भण्डारी र दीपक श्रेष्ठ सहनिर्माता छन्। चलचित्रमा हरि लामाको छायांकन, रोशन श्रेष्ठको द्वन्द्व, कविराज गहतराजको कोरियोग्राफी, विनोद ढकाल, डिजराज पौडेल र किरण माइकलको संगीत छ।