नायिका ऋचाको दुबई मोह

नाइँ नभन्नु लकी चञ्चले हिरोइन ऋचासिंह ठकुरी अचेल कता छिन् भन्ने पत्तो छैन। उनको फिल्म रिलिज नभएको पनि वर्ष दिन बित्न लागिसक्यो। आक्कलझुक्कल म्युजिक भिडियोमा भने उनलाई देख्न पाइन्छ। तैपनि, कुनै चर्चा छैन। नाइँ नभन्नु ल हिट भए पनि त्यसपछिका कुनै फिल्मबाट उनले कमाल देखाउन सकिनन्। अन्य निर्माता/निर्देशकले पनि पत्याएनन्। काम नपाएपछि उनी सांस्कृतिक कार्यक्रममको सिलसिलामा केही वर्षअगाडि दुबई पुगिन्। त्यसपछि दुबईले कति मोहनी लगाएछ भने अचेल प्रायःजसो दुबईमै हुन्छिन्। नाच्न सिपालु भएकाले दुबईमा राम्रो कमाइ हुने भएपछि उनी उतै रमाउन थालेको चर्चा छ। तर, करअिर बनाउनभन्दा पैसा कमाउनतिर लागेपछि ऋचाको भविष्य कस्तो होला ? आफैँ अनुमान गर्नूस्। – नेपाल साप्ताहिक