काठमाडौं । सञ्चारकर्मी लक्ष्मण सुवेदीले निर्देशन गर्न लागेको दोस्रो फिल्म ‘लालजोडी’मा अभिनेता सुवास थापा र अभिनेत्री नीता ढुंगाना रोमान्स गर्ने भएका छन् ।
फिल्म ‘एउटा साथी’बाट निर्देशकका रुपमा डेब्यु गरेका लक्ष्मणले दोस्रो फिल्मका लागि गीतको रेकर्डिङको काम सकेका छन् । निर्देशक लक्ष्मणका अनुसार फिल्म पूर्ण कमेडी फ्लेबरको हुनेछ ।
फिल्ममा अष्ट महर्जनको एक्सन, रामेश्वर कार्कीको छायांकन, सन्तोष श्रेष्ठ र टंक बुढाथोकीको संगीत हुनेछ । काठमाडौं र दामनमा छायांकन हुने फिल्म वैशाखको तेस्रो साताबाट फ्लोरमा जानेछ ।
