दयाहाङ राईको रहर !

चलचित्र ‘अनागरिक’ बाट फिल्मी करियर सुरु गरेका दयाहाङ राई फिल्म ‘लुट’ मा निर्वाह गरेको ‘गोफ्ले’ चरित्रबाट आम दर्शकमाझ चिनिएका हुन्। उनि प्राय कमेडी र प्रेमकथाका फिल्ममा देखिन्छन।

एकै खाले फिल्म खेलेको आरोप खेपिरहेका अभिनेता दयाहाङ राईले आफूलाई बायोपिक फिल्ममा अभिनय गर्न मन लागेको बताएका छन्। सञ्चारकर्मीहरु सँगको भेटमा गफिँदै उनले आफ्नो ईच्छा बताएका हुन्।

यो भिडियो हेर्नुहोस्

फिल्म ‘दासढुंगा’ र ‘तान्द्रो’ मा बायोपिक चरित्रमा देखिएका उनले आफूलाई बायोपिक फिल्ममा काम गर्न मन लागे पनि त्यस्तो फिल्मको अफर नआएको बताए। ‘यही व्यक्तिको चरित्रमा काम गर्छु भन्ने त छैन,’ उनले खुलाए, ‘अहिलेसम्म अफर नआएकाले पनि कसको चरित्र फिट हुन्छ भन्ने नै ख्याल गरिएको छैन।’

दयाहाङ अभिनित फिल्महरुले व्यावसायिक सफलता पाए वा नपाए पनि दयाहाङको व्यस्तता भने रोकिएको छैन, झन् दिनानुदिन बढ्दो छ। व्यावसायिक रूपले सफल फिल्मले मात्र कलाकारको सफलता नगनिने उनको बुझाइ छ । ‘मैले अभिनय गरेका सबै फिल्म हिट भइदिए भने मेरो कामको मूल्यांकन पनि त राम्रो हुँदैन,’ फिल्म ‘नेप्टे’ मा व्यस्त दयाले भने, ‘फिल्म नचले पनि त्यसभित्र आफूले गरेको अभिनयमा सकारात्मक समीक्षा पाइयो भने पनि आफ्ना लागि एउटा सफलता नै हुन्छ।’