आगामी साउन १ गते प्रदर्शनमा आउन लागेको नेपाली चलचित्र ‘गौँथली’ को भावुक टिजर सार्वजनिक गरिएको छ। निर्देशक Kapil Rizal निर्देशित फिल्मको टिजरले विवाहपछि एक युवतीले भोग्नुपरेको पीडा, पारिवारिक सम्बन्ध र महिलाको संघर्षलाई मार्मिक रूपमा प्रस्तुत गरेको छ।
सार्वजनिक टिजरमा आमाले छोरीको सुखद परिवार बसोस् भन्ने चाहना राखे पनि विवाहपछि छोरीले भोग्नुपरेको मानसिक तथा भावनात्मक पीडालाई देखाइएको छ। पढ्ने इच्छा हुँदाहुँदै कम उमेरमै विवाह गर्न बाध्य भएकी युवती, सोझो र इमान्दार ठानेको श्रीमान नै फरक स्वभावको निस्किएपछि उनको जीवन कसरी बदलिन्छ भन्ने कथा टिजरमा देख्न सकिन्छ।
श्रीमानको असामान्य व्यवहार, सासुको कठोरता र माइतीको माया सम्झिँदै संघर्ष गरिरहेकी बुहारीको कथा टिजरको मुख्य आकर्षण बनेको छ। भावुक संवाद र यथार्थपरक दृश्यले दर्शकलाई गहिरो भावनात्मक अनुभूति गराउने प्रयास गरेको देखिन्छ।
फिल्ममा Arun Chhetri श्रीमानको भूमिकामा छन् भने Simran Khadka पत्नीको भूमिकामा देखिएकी छन्। टिजरमा दुवै कलाकारको अभिनयलाई दर्शकले निकै रुचाएका छन्।
भावुक बनाउने ‘गौँथली’ फिल्मको टिजर हेर्न यहाँ क्लिक गर्नुहोस्
चलचित्रमा Madan Krishna Shrestha, Prakash Ghimire, Lunibha Tuladhar, Rabindra Jha, ईश्वरी बराल, संयोग रसाइली, सीतादेवी तिमिल्सिना, लक्ष्मीनाथ तिमिल्सिना र राजेन्द्र नेपालीको अभिनय रहेको छ। बाल कलाकारका रूपमा अंशु ओली र प्रिन्स नेपाली देखिएका छन्।
फिल्मको कथा Bhola Rizal को हो भने पटकथा तथा संवादमा निर्देशक कपिल रिजालसँगै निश्चल कुँवर, निरज नेपाल र गिरिराज घिमिरेको सहकार्य रहेको छ।
निर्माण टिमका अनुसार ‘गौँथली’ शब्दले घर, परिवार, अपनत्व र सम्बन्धको प्रतीकात्मक अर्थ बोकेको छ। विशेष कुरा के छ भने दुई दशकअघि डा. भोला रिजालले यही नाममा निर्माण गरेको ‘गौँथली’लाई नेपालको पहिलो गीति चलचित्र मानिन्छ। अब सोही नामलाई नयाँ पुस्तामाझ पुनर्जीवित गर्दै उनका छोरा कपिल रिजालले नयाँ कथासहित फिल्म ल्याएका हुन्।
यो पनि पढ्नुहोस् : प्रदीप खड्काको ‘ऐरी’ अझै अन्योलमा, २०२४ मा आउने भनिएको फिल्म किन भयो यति ढिलो?
