विहे मण्डपबाट भागेकी नारीको जीवनका उतार चढाब कोट्याउने कथा बोकेको फिल्म ‘कारखाना’ को फर्स्ट लुक पोस्टर रिलिज भएको छ। पोस्टरमा फिल्मका मुख्य कलाकार बर्षा शिवाकोटी र सुशिल श्रेष्ठलाई मात्र फ़िचरिङ्ग गरिएको छ। पोस्टर सँग संगै फिल्मको रिलिज मिति पनि सार्वजनिक गरिएको छ।
फिल्ममा बर्षा र सुशिल सँग संगै जेविका कार्की, मौसमी मल्ल, नागेन्द्र रिजाल लगायतका कलाकारको अभिनय छ। अमरद्विप सापकोटाको निर्देशनमा बनेको फिल्मको कथा निर्देशक आफैले लेखेका हुन्। निरज कंडेलले खिचेको फिल्ममा दयाराम दाहाल, सुशिल पोख्रेल र निर्देशक स्वयमको पटकथा तथा संवाद छ। फिल्ममा दिप खड्का, राजेन्द्र केसी, अम बज्राचार्य र सुर्याश खड्काले साझेदारीमा लगानी गरेका छन्।
